場地單車亞錦賽今日喺哈薩克揭戰幔，上屆豪奪兩金嘅港將李慧詩（Sarah），會喺香港時間夜晚6點10分出戰爭先賽。Sarah上屆喺呢個項目半準決賽犯規被取消資格，今屆佢就話研究咗幾套戰術，準備對中國勁敵鍾天使同林俊紅。衞冕嘅黃蘊瑤會出戰女子記分賽，有望摘走港隊首金，兄弟檔張敬煒、張敬樂亦喺個人追逐賽資格賽登場。