近年不思進取的亞視，經典劇滾筒式重播又重播，《我和殭屍有個約會》近日不但從倉底翻出重播，昨日亞視在大埔總台更搞《我和殭屍有個約會》微電影試戲活動，66歲宮雪花拋胸倒奶即場晒「肉」腿。
20年冇錫過
花姨本來出任評判，但亞視蜀中無大將，近日又爆藝員逃亡潮，「亞洲之子」亢帥克、譚杏藍及陳蕾都不續約，花姨遂搭顏子菲、鄭伊娜、黃集鋒等宣傳。眾藝人要試劇中萬綺雯飾演的馬小玲攬住尹天照演的況天佑垂死一幕。
黃集鋒拉騎呢花姨做對手戲，花姨出場即鬧亞視高層葉家寶：「我今日失身（失聲）呀，馬小玲套戲，家寶冇叫我演，我其實幾憎佢。」花姨邊說邊拿出軟尺度腳：「萬綺雯有44吋腳，我都有46吋，嗰時咁後生唔搵我拍，淪落到今日先試戲。」
其後花姨瞓在沙發爆肚，又兩度攬實黃集鋒胸壓對方。全情入戲時花姨戙高腳露出臀部的橙皮紋，非常嚇人。據知花姨日前發燒入院，她透露因擔心病情更立了平安紙，昨出院即到亞視宣傳，她說：「細菌入咗呼吸系統，可能20年冇kiss。如果再拍，唔係主角我唔拍。」又表示有意邀亞視揸弗人王征投資拍她的自傳微電影。
此外，有指亞視不滿亢帥克忘本有意告他違約，亞視高層冼偉智昨日表示事件已交給法律部跟進：「每個人有自己選擇，唔擔心藝員離開。」他又否認雪藏齊蕙盈。有傳黃集鋒被安排到越南拍劇，冼偉智指確實安全才讓藝員出發，預計留三個月，黃集鋒則稱是否出發交由公司決定。
亢帥克忐忑
至於離巢的亢帥克，昨在微博留言：「今天要離開娘家心裏萬般不捨，對於未來的發展雖然充滿憧憬，但也忐忑不安！」亞視下周四57周年台慶，近日找來外援張崇基和張崇德、女子組合Sparkling Girls和韓國組合Cross Gene撐場拍宣傳片。
採訪：溫敏芝
攝影：陳慧安