繼Jamie Oliver之後，英國又一星級名廚嚟香港開店嘞！今次係有地獄廚神之稱嘅Gordon Ramsay，47歲嘅佢因為主持電視節目《廚藝大師》同《地獄廚房》而大受歡迎。除咗廚藝出眾，佢嘅火爆脾氣亦聞名遐邇，唔少廚師都俾佢爆粗問候過。
有消息話，佢嚟緊會同香港飲食集團Dining Concepts合作，最快今年夏季尾喺中環雲咸街開設餐廳。佢開嘅餐廳遍佈世界各地，例如東京、杜拜、巴黎同愛爾蘭等，仲一共獲得過14粒米芝蓮星。
不過香港嘅新店未知有乜嘢食，因為Dining Concepts話個合作仲係傾緊，最快聽日先會有定案。