近幾年電視台唔少靚女主播成為公營機構同大企業公關部挖角目標，今次輪到有線靚女主播羅慧沁。英文名叫Jasmine嘅羅慧沁，噚日報完下晝5點鐘新聞後話呀，呢個可能係佢主播生涯最後一次同大家見面，多謝觀眾多年支持，之後仲高舉雙手，同大家話別講bye bye。
據知Jasmine將會過檔正值多事之秋嘅港鐵做公關，睇怕佢有排辛苦。
唔止粉絲聽見女神要走嘅消息後好傷心，連佢嘅同事、有線另一位靚女主播曾美華亦對Jasmine離職好sad，噚日喺自己嘅Instagram貼咗同Jasmine嘅合照，仲讚佢係「我心目中最甜美嘅主播……唔捨得你啊！」。