前網球1姐禾絲妮雅琪（左）慘被悔婚！禾琪3年嚟都同北愛爾蘭高球手麥艾萊（右）高調晒恩愛，今年1月仲訂埋婚㖭。點知前幾日派晒帖後，麥艾萊先話覺得自己未預備好做老襯；喺聲明話分手，祝禾琪以後生活愉快，多謝對方曾經帶畀佢美好時光。麥艾萊又話以後唔會再喺公開場合講呢件事喎。當日係佢同禾琪求婚，家陣玩悔婚，睇怕佢會成為繼老虎仔活士之後，高球界另一個賤男！