近年《信報》易主，大老闆、總編輯齊齊換人，一時又抽稿，一時又自我審查，好似冇乜好消息傳過出嚟。八方近日終於聽到由小小超話事嘅《信報》傳出好消息，不過只係關乎《信報》員工。事關該報上周向員工宣佈，由下月開始，編採部員工將由勞工假改為放紅日（又稱銀行假），令員工以後一年多五日假。
唔少傳媒機構仍然實施一年12日嘅勞工假，較紅日少五日，但《信報》都算識計數咯，選擇下半年先嚟實施，因為銀行假較勞工假多出嗰五日假期，其中四日喺上半年、一日喺下半年，而《信報》下半年先實施，即係今年只需畀多一日假期員工，真係多謝晒！