過去半年，《明報》可謂多事之秋，突然撤換老總、前老總劉進圖遇襲，仲有員工不滿大老闆空降大馬人做老總。噚日明報55周年報慶，中國人慣例「五、十」嘅紀念日子大搞慶祝，《明報》今年卻破格，取消報慶晚宴。
老細唔搞，員工照搞，明報職工協會噚晚就喺公司搞生日會賀報慶。去年報慶因為附近酒樓結業而暫停一年，本來打算今年大搞，但點知早前發生咁多事，管職雙方關係亦欠佳，所以最終冇咗回事。
《明報》老闆張曉卿則喺紀念特輯致辭，指《明報》角色獨特，喺全球中文媒體中絕無僅有，又以多年前講過嘅話作結，指《明報》會繼續「尋找時代的真相」。