電視傳來廣場第一下槍聲，陳慧兒哭着關機，不忍看下去。1989年初夏，艷陽曾經照亮北京，陳慧兒當時任職無綫記者，每天跟着王丹等學生從北大校園經長安街走進天安門廣場。上司5月底召她回港，家人藏起行李箱阻止她再上京，陳慧兒就此錯過見證屠城，終身抱憾。
1989年3月，陳慧兒正採訪人大會議，有行家建議她採訪北大的民主沙龍，「叫我搵叫王丹嘅人，我第一次聽佢個名」。4月下旬，她漏夜趕到人民英雄紀念碑，無綫攝影機在胡耀邦遺照前亮燈，全場突然鼓掌，「好多人湧埋嚟，自此喺度唔敢開燈」。
接下來個多月，內地記者被禁聲，學運領袖一見香港記者就說：「很想你們！」廣場太大，記者甚至未察覺趙紫陽來訪；陳慧兒每晚拿着大哥大致電回港做現場直播，「每日都好似寫緊歷史」。中央電視台原本借儀器給香港記者以衞星傳送新聞片，「後來佢哋發現呢啲片落到香港之後，全世界都睇到，就唔畀傳」。
冷看袁志偉與李鵬握手
戒嚴令翌年結束，陳慧兒等不及六四平反就要重返廣場採訪。天未亮，長安街一片淒清，她想起曾在這裏倒下的學生、金水橋下中槍的香港記者，「好和平嘅運動變咗流血收場，對全中國人欠一個公道」。
無綫其後派袁志偉獨家專訪李鵬，袁笑着與李握手。陳形容這是袁「個人嘅動作」，「馬卓安去到中國都唔肯同李鵬握手」。她深信無綫前線記者至今仍未放棄報道真相，「但係高層會唔會遇到壓力、想法同前線唔同呢？我諗大家都睇到」。無綫在八九民運時的報道「行得好前」，今天也不應自我設限，「香港享受咁大新聞自由，我哋都唔盡力做，係咪好可惜？國內行家都喺框框入面盡量做，點解我哋要劃個框畀自己？」
【六四25周年專頁】燭光不滅，血仍未冷，民主中華，花果漂零。蘋果請你一同見證：良知，從未貶值！ http://64.appledaily.com