有線電視噚日宣佈委任馬惟善（Vincent）出任懸空多年嘅營運總裁一職，下月起生效，主要負責公司收費服務、網絡系統同客戶服務等業務。有線舊年獲批免費電視牌照，之後幾年應該都有好多搞作，做推廣出身嘅Vincent確係一個好嘅推銷員。據知，Vincent之前喺IBM打工7年，1996年加入有線母公司九倉（004）旗下九倉電訊做市場推廣及銷售地區營業經理，跟住平步青雲，做到總裁。以後就兼埋做有線營運總裁。
有線營運總監呢個位懸空咗幾年，搵人做必有原因，推廣出身嘅Vincent，過往九倉電訊有乜新動向，都由佢負責向傳媒介紹，面對傳媒經驗夠晒豐富，如果有線免費電視去馬，推廣活動應該浪接浪，確係時候要搵多個人分擔主席吳天海嘅工作。