名模周汶錡（Kathy）昨日40歲生日，前晚她與法籍夫婿Julien Lepeu跟一班知己好友包括琦琦、伍詠薇、歐陽妙芝、黃佩霞、范姜與鍾鎮濤等70名賓客，齊集西營盤一酒吧舉行生日派對，派對以70年代為主題，賓客均化上濃妝、造型誇張出席，場面熱鬧搞笑，問到Kathy的生日願望，她笑說：「最緊要係身體健康、開心就得。今次party嘅主題係70年代，係我嘅年代，所以我好鍾意，大家着得咁靚，影吓相、懷舊吓，好開心。」
至於造人大計，Kathy直言努力中，她說：「𠵱家加油緊，唔急得、亦唔逼得，要冇壓力，亦唔好畀我壓力，我會努力。」
朋友設計蛋糕送驚喜
踏入40歲，Kathy不以為然說：「呢個只係一個數字，個個人都會經歷，我唔會睇呢啲，最緊要開心，人生係咁，開心就得。」而昨日正日生日，Kathy與家人一同在家晚飯慶祝，並由周媽媽親自下廚。
派對上Kathy與Julien化身佈景板不停與賓客合照，二人更錫錫合照，Kathy更興起爬上bar枱，擺出誘人甫士拍照，相當盡興，Kathy說：「我哋跳舞、傾吓偈，個個都好開心，好似我結婚咁，成件事好靚、好完美。」踏正12時，大家一同唱生日歌兼切蛋糕，其中Kathy友人更親自設計生日蛋糕，令Kathy十分難忘，她說：「個蛋糕真係好靚，上面係一個旋轉木馬嘅音樂盒，好似Kathy land咁，識郁又有燈，真係好開心。」
採訪：唐如
