【本報訊】每次外出散步總戴上黑超、荔枝角區幾乎無人不識的「明星狗女」Dolly（圖），上周一（12日）手術後，可能因為身體太虛弱，終捱不住，結束18年的唐狗生涯。其主人楊德昌喪犬悲痛，本周日將愛狗火化。
個多月前切除腫瘤
「佢嗰日手術後返嚟，見完我，見埋揸𨋢嗰個人，就走咗……」。Dolly離開已逾一周，但昌哥憶述當天的情況，仍難掩悲痛。他透露，早前發現Dolly不妥，看獸醫後證實患了癌症，一個多月前做了手術將腫瘤切除，但身體仍然衰弱，又屙又嘔。
獸醫後來又游說昌哥，建議為Dolly做絕育手術，以免癌症復發。他幾經考慮，送愛狗再做手術，估不到就此陰陽永隔，他事後後悔不已，認為不應聽獸醫安排，要虛弱的Dolly去冒險，前後更花了萬多元，「都死咗咯，埋怨都冇用啦！畢竟都18歲咁老」。
現時昌哥每天仍返回長沙灣嘉利工廠大廈做看更，狗走情在，獨自面對Dolly留下的小被鋪，以及從前每天出巡愛狗必戴的20多副可愛黑超，最是睹物傷情。