Sony的RX100相機仔一直都以輕巧高質見稱，市場評價甚好，而之前傳咗好耐嘅第三代RX100 III昨日正式在港發佈，開價$6,290，雖然比傳說中的八千售價略低，但講真，仍有點偏高。
新機外形改變不大，最特別莫過於彈出閃燈變成彈出EVF，屏幕亦變成可180度反轉，特別方便自拍。功能方面，保留了Sony相機必備的NFC和WiFi，可用作傳相和遙控。
拍攝上，鏡頭比上代更wide，但卻犧牲了一點長距攝力，變成2.9倍變焦的24-70mm F1.8-F2.8大光圈鏡頭；1吋2,010萬像素Exmor R CMOS，更加入了XAVC S格式50Mbps專業級全高清拍片，為Cyber-shot系列首部。
發佈會上請來周柏豪撐場，兼分享拍攝心得和試用感受。周柏豪：「平時都係愛影景影動物，所以好欣賞新機更Wide和大光圈鏡頭，影景和淺景深特寫都一流。」對於新加的EVF，他認為實用之餘，更重要係用來影相時會更Pro更型，外表都贏唔少分咁話。
及後記者實試RX100 III，認為相片質素能保持到一貫水準，色彩非常鮮明，影像實淨清晰，Noise少。反芒有埋自拍倒數亦夠細心。EVF方面，雖然細一點，但OLED加上蔡司T*塗層，感覺很清晰，實用度高。只係手感就一般，手柄位太小，拿起來感覺唔夠穩陣，相信加上專用手把後，手感會好一點。
雖然價格頗高，但始終屬於高階相機，而且前代口碑亦很好，對攝影質素有要求又貪輕便的人有一定吸引力，新機將於5月28日至6月8日提供預售。
