Samsung S5個勢好唔好？真係好難講，那邊全世界出貨量破晒紀錄，這邊香港唔少Sales、手機店主又話銷量麻麻。不過，近日S5在先達真係帶到一啲驚喜俾大家，就係全新的日版粉紅色機！現場睇，粉紅色版帶點金屬感，少少反光，觀感相當唔錯，就算你繼續話佢似膠布，但都一定係一塊靚膠布，只可惜正面仍然維持黑色，如果變埋粉紅色真係perfect喇。顏色特別，估唔到連機身都有驚喜，細心留意機身右側多了兩粒小小金屬點！原來日版機特別加設獨有的充電機座，設計好有Sony Z系的影子。新機開價$4,880，同韓版水貨同價，雖然唔似韓版咁有多舊電，但個色特別，又有個座，諗得過呀！
