【本報訊】W小姐判決引發婚姻條例修訂，近年鮮有談論公共政策的性學界「祖師爺」、創立本港首間性診所的精神科專科醫生吳敏倫再次「出山」，不同意以性別重置手術作為得到婚權的條件，因為最新的研究發現，跨性別人士不一定討厭自己的器官，強迫手術不合理。
吳說，最初醫學界只注意到要求做手術的變性人，「好多人以為變性人個個都好憎自己性器官，但其實唔係，只不過好憎自己性器官嘅變性人會好強烈要求去做」。吳敏倫在70年代成立首間性診所，工作涉及遺傳學、內分泌、社工、律師等多個專業，變性要求嚴格，亦不容許只「做一半」，「當時國際標準好嚴，𠵱家出咗啲新versions（版本），鬆咗好多，如果個病人唔肯做手術，你都可畀個證明佢係變性人」。
當年的團隊陸續退休，剩下現時律敦治醫院外科部主管袁維昌一人，他認為對最近的研究未必有充份了解，「surgeon（外科醫生）唔識呢啲嘢，佢係做手術嗰個之嘛，好多嘢係我哋上面呢堆人整好晒，再畀佢做手術」。
以爭真普選作例
他認為若通過現時政府「原裝」的修訂，只有完成手術的人可以結婚，將進一步鞏固社會上男女二分的觀念，加強了以性器官作為性別歧視的手段，「呢個等於爭取真普選一樣，有啲人話，你有咗第一步，再打第二步。但係好多人唔信，你一旦接受咗𠵱個方案，可能會拖好多年先再改，要爭取到唔使做手術都得，我諗30年都唔得」。
他指不少國家已確認第三性別，「好多人講DNA，但其實天畀嘅唔一定係XX、XY呢兩個combinations（組合），遺傳學都知，好多人細胞有XXY、XO，個天畀嘅都可能好模糊，只不過佢哋係少數。」