拜仁慕尼黑（圖）喺今屆歐聯大熱出局，但依然雄霸德國球壇，蟬聯德甲同德盃成為雙料冠軍，都算係唔錯嘅成績，值得慶祝吓。拜仁喺周日搞勝利巡遊，喺慕尼黑有成千上萬球迷嚟捧場。早一日佢哋贏到德國盃之後全隊上下玩到癲，又淋啤酒又攬埋一嚿，到周日就收斂番啲，乾乾淨淨咁喺廣場度同球迷唱吓歌，一樣咁開心。