【專 訪】
逾75年歷史的老字號餅家「奇華」，由第二代掌門人、集團董事總經理黃錫祥進行翻天覆地的變革，家族生意成功趕上時代的巨輪。咬一口奇華唐餅，肥膩味道沒有了，卻多了第二代承傳父親心血的親情味。
換走嫦娥盒 被父親質疑
90年代初期，正值本港中式餅店的黑暗期，「100間冇咗95間有多!」黃錫祥接受專訪時分析，傳統餅家未能跟隨時代步伐；「以前嫁喜男家過大禮，嫁女餅斷擔斷斤買。」不過都市人越來越繁忙，輕便簡捷的西式餅卡興起，加上傳統禮餅「冇體面冇包裝又老土」，很快就給有禮盒包裝的西餅「比下去」。
1995年開始接手家族生意的黃錫祥，推行變革「奇華」品牌。就算沿用了60年的嫦娥月餅盒，也更換以皇帝做封面的餅盒，父親質疑：「做乜掉咗我個靚女，用個白鬚公代替！」
禮餅也要減少肥膩，「50年代打完仗，啲人肚又瘦、腸又瘦，食極都唔會有膽固醇；𠵱家就太好營養，要食得清淡啲。」不過作為傳統餅食，改變也有個限度「我哋唔會做法式麵包。」
1938年創立至今，分店數目59間。黃錫祥慨嘆生意利潤微薄，「以前爸爸年代，做一年已經可以買個舖位，𠵱家做幾年先買到個舖！」
黃錫祥言談不時顯現對先父黃業榮的孝敬，「父親14歲出嚟做嘢，養活13個子女，唔可以將奇華搞壞！」60年代香港發生多宗銀行擠提事件，令人對排隊產生陰影。中秋節前夕，黃父為出現取餅人龍，會封兩元利是給客戶，說「做唔切，一回再嚟取貨」就此打散人龍。
家族生意要避免爭產，黃認為最重要是融洽相處，工作分配能者居之，不會重男輕女，「仲要睇家運，到𠵱家仲好好。」他又指家族生意的好處，就是管理層會用心經營。
記者：周燕芬