老牌SENNHEISER嘅耳筒一向都有返咁上下！腦場長期熱賣嘅G4ME最近做落價，由上二千蚊價位，下調至$1,789，我知大家都好關心原因，喺場內收風呢件嘢將會短期內停產，再出新產品，所以咪臨別秋波、落價送佢一程囉！講到呢隻嘢，主力係用嚟打機駁電腦或遊戲機用，大家睇佢有埋咪頭設計就知啦！好多Gamer最鍾意佢立體聲定位夠準，尤其係Online射擊Game利器，另外佢個300g超輕設計，咪睇佢咁大部，戴咗嘅感覺差唔多係0，通話咪都設計好醒，拉落嚟放嘴邊就通話，拉返上耳仔位就停止收音，完全係為Gamer爭分奪秒而設。
訊達科技（深水埗黃金電腦商場地庫63/67號舖）