林恬兒和何正德昨日在灣仔君悅搞結婚酒會，容祖兒、周麗淇、任達華、蔣怡夫婦、蘇永康和甄子丹夫婦等畀面到賀，星光熠熠。
兩年計劃
容祖兒和男友劉浩龍（師兄）拍拖快兩年，感情穩定，祖兒昨受訪時露口風恨嫁，她口快快說：「如果可以咁靚，即刻結，暫時未諗，多兩年啦！」為何訂出兩年計劃？她說：「一般我哋呢行36歲先諗好正常，婚後生仔要投入嗰個角色，工作上仲有好多理想，雖然我好羨慕。」兩年計劃是否讓師兄儲老婆本？她說：「希望可以，我自己唔想再揀。」言語間認定師兄是結婚對象，她續說：「兩年會發生好多嘢，我哋拍拖乜都講，但冇落實啲乜。」祖兒更稱祖師戀正朝着結婚目標奔跑。
至於與老婆恩愛到場的子丹，則笑稱沒有催一對新人快生，他說：「呢個佢哋識自動波。」子丹又讚林恬兒和何正德有夫妻相，他說：「俊男美女。」
採訪：林嘉慈
攝影：陳慧安