南紅昨日接受車淑梅主持的香港電台節目《舊日的足跡》訪問，暢談她當年入行經過之餘，她更澄清老公楚原導演（小圖）並未患上腦退化症。南紅表示，當年隨母親來港，便開始跟紅線女學戲。後來再拍電影，認識了楚原，拍拖9年才結婚。結婚多年，南紅表示，兩夫婦一定會有爭拗，要互相忍耐，千祈不要亂提離婚，她說：「小三一定想破壞你家庭，只要忍耐，咁你先可以保得住個家庭，但我冇問過老公佢有冇，因為我好有自信，我有仔萬事足。」近日有傳楚原患上腦退化症，南紅即澄清：「嗰日我同佢睇醫生，係一個月一次的例行檢查，佢一向好注重身體，咁啱俾記者影到。佢用腳架行係好耐前飲酒跌倒，用腳架借力行，根本冇腦退化，佢覺得好好笑，總之我老公非常快樂，非常健康，完全冇腦退化。」
撰文：楠楠