南華隊長譚偉洋（左）啱啱復出半個月，前晚喺甲一籃球聯賽又勇戰受傷，搞到右肩甩骹，好彩佢冇大礙，當晚已經出院同隊友劉子健（右）食消夜醫肚。阿洋話今次要唞4至6星期，可能到季後賽決賽階段先可以上陣，但始終今季兩度對永倫都未贏過，呢段時間會照樣跟操，希望可以同隊友喺季後賽復仇。