法乙較法甲早一日，即係上周五煞科，賽前都冇咩懸念，較具競爭係第3位，最後一個升班資格。卡昂有驚無險下以2:2作客逼和迪安，順利壓過南錫保住季軍，下季就會同冠軍梅斯、亞軍朗斯（圖）升上法甲。朗斯謝幕戰就作客2:0擊敗CA巴斯蒂亞，賽後球員仲除晒衫慶祝。護級方面，查多魯就作客0:3大敗予比斯特，宣佈護級失敗，下季同CA巴斯蒂亞、伊斯特尼斯轉戰法丙嘞！