【專家開班】
今年68歲的張勝，是退職港警，亦當過私人保鑣，他與曾在英國特種部隊服役的南非人Frank（49歲）合作，在深圳開設危機訓練中心並任導師，學員大多是青少年學生，中心除提供防身術外，亦開辦反跟蹤，解繩索及野外求生等課程，甚至連泊車亦會教，張勝說，停車應選最近出入口的泊車位，車頭應朝外，「賊人埋手前都會諗過，賊仔都係揀易捨難，人來人往的出入口不會成為目標」。
他說：「好多綁架案，匪徒都會跟蹤事主一段距離；不過𠵱家好多人低頭玩手機或者聽歌，警惕意識薄弱；我哋教佢哋學識經常利用櫥窗反射觀察周圍環境。」
背囊放膠片擋刀
「最近昆明同廣州火車站斬人事件，我會教學員喺背囊放塊薄膠片，起碼可以擋刀呀。」張勝說，現時不少內地人報讀防身術自保，學習如何應付被劫和擄走，令自衞課程大熱。收費方面，「初級防身術每小時400元人民幣；最高級嘅槍械使用訓練課程要到菲律賓受訓，機票食宿逾兩萬人民幣」。Frank向記者說：「最重要係要求學生遇事頭腦冷靜，不要放棄求生脫險機會。」
《蘋果》記者