「蝙蝠兵團」華倫西亞有新金主，隨時下季翻生！外電報道，新加坡富商林榮福已經買起華倫西亞嘅70%股份，成為大股東。
估計林榮福有24億美元（約186億港元）身家，相信佢入主華倫後會大搞，除咗幫球會還債，仲會注資買球員。60歲嘅林榮福一直都好想做班主，近幾年傳過佢收購AC米蘭同利物浦，最誇張嘅係，仲傳過佢想買曼聯㖭。
