剛過去呢個星期，Game場嗰邊真係靜靜哋，好彩有隻《THE AMAZING SPIDER-MAN 2》玩吓，挾着電影之勢，再加今次遊戲自由度相當高！同類電影遊戲好少見可以任射蜘蛛絲周圍亂盪，好多Gamer玩過都話好Free！
另一討論話題，相信一定係PSV嘅《刀劍神域 虛空斷章》，主要出嘅問題係話唔嫁又嫁！之前話咗唔會返行貨，所以好多人都喺月頭買咗日版水貨，不過！行貨中英文版，已經鐵定今個月尾推出，除咗$399嘅普通版，仲會有$579嘅「限定版」。
限定版内容包括有：原作畫師abec特別繪製的限定版收納盒、特製雙封面遊戲包裝、刀劍神域1,000片限定拼圖、刀劍神域―虛空斷章― 特製明信片組12張、刀劍神域―虛空斷章― 特製角色書籤9張、初回封入特典「新娘禮服」特別服裝下載碼、中文限定特典「襯衫」特別服裝下載碼、中文限定特典「睡衣」特別服裝下載碼、中文限定特典「泳裝」特別服裝下載碼。傳聞訂貨量好緊張，有啲舖頭已經開始截訂，大家可能要碰碰運氣了。
G Point（深水埗福華街161-175號福仁電腦商場1樓25號舖）