好多國產機平板同手機，最大弊病都係用嗰啲所謂國產處理器，運行唔穩定，數字有啲仲係玩督數！最近腦場新返咗部GALAPAD 7" WiFi，佢就打正旗號話行TEGRA 3 四核處理器，用落感覺都叫爽利，更爽係個價錢，開價$799，基本上網、打機、睇片都冇問題。
其他硬件規格都唔差，芒行7吋IPS，解像度有1,024 x 600及十點觸控，儲存容量有8GB ROM + 1GB RAM，就數面上睇似唔多夠，好彩都仲有得插TF記憶卡，放喺屋企玩吓，叫做冇乜問題。
訊達科技（深水埗黃金電腦商場地庫63/67號舖）