千億新抱徐子淇、邱子傑與鄧鉅明伉儷等前晚於中環出席手錶品牌愛彼慶祝派對，徐子淇戴上鑲有900粒美鑽、價值115萬的鑽錶現身，配以一襲黑色Versace tube dress，一身「重金屬」味道，高貴性感。
子淇表示跟這個品牌甚有緣份，她第一次工作賺錢送給家人的禮物便是這個品牌，而丈夫李家誠送給她的第一隻手錶同是這個品牌。子淇說：「頭先向人請教，原來整一隻錶起碼要18個月，等到我結婚20周年，就親自整一隻俾老公，𠵱家我哋結婚8年，仲要等多12年。」
唔會偏心
早前子淇夫婦歐遊度二人世界，但到第四日已很掛念仔女，並要致電徐媽媽帶兩女兒跟她見面，故此honey moon只得四天時間，子淇說：「大女有send message話掛住我，令我好唔忍心，好似拋低佢哋咁。囝囝就唔係好識。兩個女仲喺電話度喊。」故子淇現時都會爭取時間陪伴小朋友，前晚出席活動前亦先跟他們晚飯，她說：「佢哋有時會打交，細佬係小霸王，日日好多爭執要平息。」會偏心幫其中一方嗎？子淇說：「我會好公平，如果想佢哋第日和睦共處，就唔可以偏心，但小朋友有時都同我講『點解你成日咁惡，但爹哋就從來唔會？』」原來在家中她跟丈夫就是慈父嚴母的角色分配。
採訪：卓寶花
攝影：陳俊強
