左報跟蹤鍾庭耀逾月，刊出鍾駕車「像特工」的報道。特工，不是國共兩黨所謂的特務頭子，特工，跟職業特工隊裏的靚湯掛鉤，與英國軍情六處的型佬007同級數。特工，不是特異功能張寶勝，是倒車掟彎擺脫左報死跟的頭文字鍾！特工博士，是神級讚美！左報這一次，派出左狗仔，捉錯用神，浪費汽油，借環球時報金句一用：絕對尿錯壺。
既然跟開有條路，左狗隊會乘勢緊跟下列目標人物：
一，佔中三子，如廁要一眼關七，做足掩護，左狗隊可能匿埋尿兜偷拍。最好能短期內學到高難度特工如廁秘技。
二，學民後生仔光明正大，但暗箭難防，上網要小心。特工的手機是放在雪櫃的，斯諾登避得開狗仔隊，學民要試吓，夾錢買迷你冰箱。
三，陳太外婆級唔怕左狗隊，湯家驊唔拍膊頭拍自己心口，包冇撞板。人力，隨時call馬五百人，似社團大佬多過特工，難以對號入座，分分鐘還會人咬狗！