出事喇！出事喇！同高圓圓演過情侶，人稱「國民女婿」，以「好好先生」形象示人嘅內地男星黃海波，前晚被爆喺北京某酒店嫖妓呀！
呢單嘢，自稱北京市公安局官方微博都有confirm：「有媒體詢問『演員黃海波因嫖娼被拘留』是否屬實，經瞭解：5月15日18時許，北京警方根據群眾舉報，在北京工大建國飯店將正在嫖娼的黃海波（男，38歲，演員）當場抓獲。經審查，黃海波對嫖娼違法事實供認不諱。今(噚)日，黃海波已被北京警方依法行政拘留。」
消息一出，傳聞就滿天飛，一時就話佢畀人捉「黃腳雞」，一時就有人po涉案女子嘅證件相，一時又傳佢畀人設計陷害，仲有疑似公安口供話佢起雙飛、先後同兩名女子進行交易！不過一切都係要等黃海波15日行政拘留完，先至求證到喇！