每一年嘅英足盃決賽，傳統上都會請歌手喺開波前嚟唱Abide with Me（與主同行）同埋英國國歌，今年當然都唔例外。今屆英足盃就請嚟英國小天后Leona Lewis表演，呢位29歲嘅歌手獲獎無數，絕對有資格喺溫布萊演唱，佢自己亦都表示：「我非常期待英足盃嘅來臨。」唔知佢係期待演出，定係期待見到阿仙奴攞冠軍呢？因為據小道消息指出，Leona原來係個廠迷嚟㗎！