【壹週刊】近期興熟女回歸娛樂圈，今年四十八歲的陳慧嫻，又話在六月開三十周年紀念演唱會。
問陳慧嫻有什麼歌唱大計？還是問她舊戀情？咁鬼悶，不如膽粗粗，直接問她齋了近八年，究竟有沒有相睇？
「嘩，咁老土！」她提高八個key大叫。
幾秒後，她又抵不住頸，大呻唯一一次的相睇事件。
她說是個好關心她的小學同學推介，安排她跟一位鑽石王老五相睇。
「唉，是但啦，試吓啦！但對方著住郭富城那種、好多石的白恤衫出現，哈哈哈哈，好似登台。他披住的黑絲絨西裝，又同張絲絨梳化同色，黐晒地，我見到好滑稽，仲要著對高級酒店提供的拖鞋款的絲絨鞋，真係好佬。
「梗係搞唔掂啦，只是飲嘢，仲食飯？死得㗎。」
情緒高漲過後，她又回過神來，感慨事到如今，不得不心如止水，「我認同有個伴好緊要，至少死咗會幫我叫十字車，但無啦啦點會有個男人鍾意四十幾歲的女人？」
這些年來沒有男人出現過，陳慧嫻唯有繼續lonely。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android