【亂噏24】彭浩翔新作《香港仔》現正上映，有別以往彭氏作品，電影大賣溫情，亦滲透着濃郁的本土情懷。彭導認為當今華語電影走錯了方向，誤以為大製作、大卡士就是好電影，卻沒有考慮到最基本元素──就是能感動人的好劇本，他會在今集《亂噏24》分享《香港仔》的創作過程。讀者可在 http://bit.ly/appletalk24重溫今集節目。
撰文：馮國康、Sidekick
顧名思義，《香港仔》是講述一個在香港仔家庭的成長故事，原來也代表着這一代香港人的生活變化，而戲中主角居住的華富邨有symbolic作用，因1968年政府興建華富邨讓漁民上岸，那象徵着香港由漁港蛻變成大都會。至於戲裏出現、位於干諾道中的一個奇怪路牌「所有目的地」，也是電影主題。彭導原本打算在副刊專欄撰文取笑那路牌，但要先反證路牌說法不通，彭導說：「我嗰日想同屋企人食餐飯，咁我去到喎；第二日返公司開會，我又去到喎，嚴格嚟講冇得話佢錯！」後來他發現那是「大智大慧」，決定以此作為《香港仔》主題。
電影中，新人蔡潔和梁詠琪（GiGi）都有大膽演出，前者要半裸跟曾志偉演床上戲，後者則要裝胸作勢，跟古天樂亦有親熱戲，蔡潔笑說：「我睇到你（GiGi）嗰幕都好surprise！」
爆有錢女偷去問價
GiGi飾演過氣模特兒，有樣有身材，她說：「樣就冇乜郁，但要整大啲我個胸！咁我OK嘅，我又冇試過咁大！」GiGi十分喜歡角色設定，因講中了現代女性的心理──怎樣才算成功女性？擁有幸福家庭？擁有事業？還是在富豪心中有個價？彭導認識一位樣貌娟好的有錢女，純粹想知自己「值幾多錢」，竟然偷偷參加富豪飯局，他說：「即係食餐飯，收封利是嗰啲。佢瞞住媽咪，媽咪仲揸架靚車送佢去！」這便成為GiGi角色的橋段。
GiGi認為這種心態等同於參加香港小姐選舉，都是想證明自己的存在價值。陳淑莊（Tanya）一聽見「香港小姐」便忍俊不禁：「我都參加過（92年）！20幾年前陪朋友吖嘛，呢啲係永恒嘅古仔，不過我結局唔同，通常陪朋友嗰個會贏，但我唔贏囉！」蔡潔去年亦參加過中華小姐，問她是否想證明自己？她竟說：「我好現實，我為咗獎金咋喎！」其實蔡潔在選美之前，在澳洲修讀創意媒體並取得碩士學位，最初立志做導演，誤打誤撞做了演員。
揶揄主角遲到早退
相反，彭導兒時夢想卻是做明星，他說：「考咗幾年演員都考唔到，直到有一年，我當時女朋友忍唔住同我講：『其實你有冇諗過喺電影入面好少出現你咁嘅樣？』」後來他得悉有個崗位叫「導演」，聞說可以在現場罵人、發脾氣和跟女星傳緋聞：「咦我覺得OK喎，呢個崗位我做到喎！」後來他發現越來越多明星轉做導演，令彭導有點不忿氣：「點解佢哋生得靚就覺得自己可以做導演？點解做導演嘅人唔可以覺得自己可以做明星？所以我決定同郭子健做主角拍一套戲。」他笑笑口說：「咁就可以遲到早退！」
彭導又憶起當初聽前輩說過，九十年代有很多電影老闆都很疏爽：「好多老闆帶埋編劇去夜總會，只要你隨便講個古仔，唔使寫，老闆即刻拎幾皮嘢出嚟，叫你帶個小姐走啦，過兩日好交稿啦！我都係因為咁入行，點知一入行冇晒，淨係去茶餐廳！」
肥佬黎問彭導現今做導演是否可以獨攬大權，又可跟女星鬧緋聞？彭導笑笑口說：「睇人箒，人人唔同嘅。內地就大家都好成熟，通常同老闆鬧緋聞多囉！」那戲中出現的富豪飯局可真有其事？彭導當初做資料搜集，亦曾問GiGi可有出席這些飯局，GiGi說：「其實我真係冇去過，又唔好意思問朋友，驚連朋友都冇得做。」
肥佬黎當日做紡織時，亦有朋友邀請他出席這些飯局，但他覺得那裏很骯髒而沒有應約：「當時我個樣又唔係咁衰，唔需要去飯局嘛，哈哈！」彭導剛好相反，很想去見識一下，但朋友不准他出席，他說：「佢話你去唔得喎，會影響晒成個飯局嘅氣場，其實我好想去㗎！」
越大製作越沒感情
提到近日本土電影抬頭，彭導認為當今華語片走錯了方向，以為凡有大特技、大場面便是好戲，卻忽視了最重要元素──一個感動人的劇本，變相本末倒置。他說：「你見啲戲拍好多大場面，飛車呀，然後撞爛好多架林寶堅尼呀，其實冇意思。如果你唔關心車裏面嘅人，你撞爛100架車都冇用。」
他提到以前有位老闆跟他說，可以讓他撞散五架過百萬的名車，但他只覺無謂：「我呆咗，其實你應該用五蚊買一叠紙，寫一場我關心嘅戲，然後專心拍好佢。」
彭導有感越是大製作，越沒有感情：「啲戲一大堆明星出嚟，似乜嘢？似賑災電影囉！」肥佬黎記得《金雞sss》都是一大堆明星過鏡，彭導解釋：「賀歲片又冇乜所謂，佢其實係一個variety show，類似《歡樂今宵》嘅形式，熱熱鬧鬧咁，但就要每一段都好睇。《金雞》成功，因為鄭中基同王菀之嗰段好睇，張家輝Gordon哥又幾好笑。」
香港仔拍香港仔 彭導寫實拒用3D
http://bit.ly/talk244501
阿哥攬攬見面少 彭導自爆流馬尿
http://bit.ly/talk244502
老外講我愛你唔怕醜 華人點解要封口？
http://bit.ly/talk244503
港產片行錯路 大製作都要講深度
http://bit.ly/talk244504
賀歲片似做SHOW 彭浩翔要SAY NO
http://bit.ly/talk244505
有個路牌好過癮 邊個作出嚟咁笨？
http://bit.ly/talk244506
GIGI隆胸露事業線 為彭導拍戲無底線
http://bit.ly/talk244507
去富豪飯局做啲乜？彭導大爆飯局紀實！
http://bit.ly/talk244508
幕前幕後大兜亂 唔靚都可以做明星
http://bit.ly/talk244509
攬女落CLUB見老細 電影編劇認真駕勢！
http://bit.ly/talk244510
彭浩翔夢想教女校？「有得食女生啲飯盒…」
http://bit.ly/talk244511
去飯局有利是收 原來代表交朋友？
http://bit.ly/talk244512
ATV曾經執到寶 彭浩翔幕前做SHOW！
http://bit.ly/talk244513
寫劇本有竅門 彭浩翔醒你兩招
http://bit.ly/talk244514
前世做錯事 今世做編劇 點寫劇本先至最叻叻？
http://bit.ly/talk244515