好多人都鍾意發明星夢，要入娛圈就好多途徑，但原本諗住正正經經靠自己努力，結果可能唔係自己想像咁樣。關仁聽個幕後朋友講，「粗人」喺內地開班授徒教人打功夫，之前有份搞部動作戲，就搵咗佢班徒弟做老臨，就算淨係識得幾下花拳繡腿嘅女仔都有得出鏡，雖然喺啲主演後面行行企企，但對想發明星夢嘅女仔嚟講，已經踏出咗第一步。之後好多女仔走去報名學功夫，諗住萬一同到動作巨星拍戲就發達，之不過學費好揦脷，竟然收人幾萬蚊人仔，試過有幾個女仔，好想報名但又冇錢，間公司嘅人主動話可以做中間人介紹佢哋識老細，學費連中間人錢通殺，一舉兩得。
撰文：關仁