與兒子在港鐵車廂飲食而被責罵的「厚多士姐」，近日遭網民瘋狂批評及惡搞改圖，一名聲稱曾擔任其兒子幼稚園班主任的網民，在社交網站facebook貼出文章，狂數「厚多士姐」母子5宗罪，文章立即被網民瘋傳，有網民進一步指摘「厚多士姐」是潑婦，但亦有不少人圍攻爆料者，認為教師不應把家長及學生的事件公諸於世，質疑有違教師操守。
該爆料者自稱是資深老師，2010/11年度在某幼稚園任教時遇上「厚多士姐」和他的兩名兒子，留下極深刻印象，並數落對方5宗罪：包括兩名孩子報名時沒有穿褲子，其母表示「喺鄉下都係咁」；孩子經常撼傷頭，老師溫馨提示母親要小心時，卻反被大罵；「厚多士姐」有錢染髮扮靚，但經常拖欠每月80元的學費；孩子功課表現欠佳，屢勸不改；「厚多士姐」曾在全校家長面前罵老師是死八婆。
不過，該爆料者表示，極同情兩名孩子，指「厚多士姐」發狂罵人時，孩子只能「將個頭耷低同唔出聲，因為佢哋咁細個都感到難堪，我看見了也難過」。
不少網民認為，家長和學校之間的交流，誰是誰非老師都不應該公開談論，如今似是侵犯私穩，又指該爆料者口裏說同情孩子，但該篇文章恐怕會令人繼續嘲笑其家長，亦會令孩子被取笑，甚至被進一步「起底」，令孩子造成極大傷害，呼籲大家不要「禍及孩子」。
「厚多士姐」事件源於一名拖篋阿姐，與兒子乘港鐵時，在車廂內疑飲食被勸止時，卻發難爆粗，並瘋狂責罵旁人：「你好多事呀，你唔正常，你又唔係梁振英！」因她說「好多事」發音酷似「厚多士」，被網民取笑。
網民點睇：
Lung Ma：作為老師其實唔應該將家長和小孩私人嘅事公開出嚟，對小童影響很大，想想吧......
Yip Chun Chris Tsang，嘩，使唔使，咁都要起底，你知唔知咩叫私隱呀？唔識呀？唔識學咩人自稱香港人呀？學咩人講香港係法治社會呀？學咩人講守規矩仲日日大大聲話人唔守規矩呀？......完全冇職業道德。
Joselyn Kht：但都唔代表做老師既可以隨意講學生私隱出嚟。
Jojo Lee：佢miss應該都好快比人起，miss唔可以公開打家長同學生嘅嘢，即使佢媽同學生有幾差。
Crystal Tsoi：話就話個阿姐，唔好起小朋友底。小朋友無辜的。返學無著褲可能係厚多士一手造成，小朋友當日聲都無出過。佢個樣仲好驚。