傅嘉莉（Kelly）、董嘉儀（大埔LuLu）與湯怡等昨日齊齊現身銅鑼灣，出席牛仔便服品牌活動，當中穿上熱褲的Kelly在場幫一個赤膊男模着上自己設計的牛仔背心時，她露出尷尬笑容。提到她會與品牌有設計合作，她表示：「好開心，我一直都好想有自己嘅系列，好想喺街度見到有人着住我嘅設計。」問到她會否做義工零酬勞也可，她表示：「有咁嘅機會已經係最好嘅酬勞。」Kelly還透露剛由泰國旅行返港，因為發生政變，所以她全程留在酒店：「唔敢亂走，但係就成日有廣播，有啲嘈住休息。」
此外，同場的大埔LuLu就不敵陳鈺芸的低胸兼起飛腿搶鏡，LuLu話：「我覺得佢好勁呀，又識泰拳又識跆拳道，自己都好想玩。」問到她在網上自爆有一個拍拖四年的男友，令不少宅男夢幻滅，她表示：「冇咩好隱瞞，我會有其他地方吸引，可以整嘢食畀大家。」
採訪：羅慧敏
攝影：陳俊強