【中環】由劉青雲、古天樂、吳彥祖同周迅主演嘅《竊聽風雲3》喺下月5號上映。一向孝順嘅劉青雲前幾日同老婆及一男一女嘅長者出現喺中環，司機將車停喺中環置地文華東方酒店畀各人落車後，戴晒黑超嘅劉青雲同郭藹明就陪住兩個老人家慢慢行去中建大廈，雖然同行仲有一個外傭，不過青雲同老婆就好似左右護法咁，全程都傍實老人家，由於入大廈要行兩級樓梯，青雲同老婆就一前一後咁睇到實，以免兩老跌親，認真細心。
逗留個幾鐘
其實，劉青雲唔止一次俾人影到同老人家出現喺上址，據悉今次都係帶老人家睇醫生。劉青雲入電梯前發現記者後即手指指告訴太太，郭藹明同兩個老人家向記者方向望一望就一齊入電梯上樓，逗留咗個幾鐘都未見佢哋離開。
採訪、攝影：潘冠恩