張智霖（Chilam）昨日於商台接受訪問，並宣佈其個唱爆滿，他暫不考慮加場：「時間太迫，𠵱家要操fit啲之餘，仲要避開電話，因為幫人買飛好難，還飛債就好似人情債咁。」他又爆老婆袁詠儀亦是個唱門券買家之一：「我都唔知佢買咗飛，三場演唱會，佢每場都買咗150張飛，所以大家要飛最好搵佢！」Chilam坦言太太此舉令其大為感動。劉心悠日前透露將自組公司，對此其好友Chilam即隔空恭賀：「估唔到心悠咁剛強，我都要向佢學習。」他表示也有意自組公司，但並非這一、兩年間實行：「同埋我唔會係一個成功嘅生意人，因為自己太耳仔軟同梳爽，好易俾晒啲錢員工，如果有老婆助陣就好好多。」
採訪、攝影：譚倩宜