【本報訊】已屆收樓階段的新世界（017）元朗洪水橋新樓溱林，不乏家庭客換樓自住，最近就有原住屯門的一家四口打算下月搬入單位，但收樓後發現「間屋有啲小問題」。本報日前再次邀請驗樓師詹濟南（詹Sir）上門逐項檢查，指出扣分最多是潔具，兩個坐廁一個鬆、一個爛，只獲40分，另廁所有兩盞壞燈，但詹Sir指，有關問題更換全新便可解決，加上其他交樓環節不太差，整體評分有85、86分，屬中高上質素。
整體85至86分 冇大問題
業主郭先生去年斥資約480萬元，購入溱林一個實用720方呎的套三房戶，另附送一車位，細屋換大屋，不用住得太侷促，豈料上周收樓，發現唔對路。業主郭先生表示：「呢度有實用700多方呎，四個人住，之前住屯門，比較細，兩間房，四個人住，『論盡』少少。整個單位都OK，係廁所有少少問題，細房細少少。拍咗張床，難入去露台。」
詹Sir甫入單位，就按業主不滿部份檢驗，走去事發現場的客廁，果然坐廁底部出現裂縫，難怪業主稱入伙以來未敢使用。詹Sir相信，這是工人裝嵌時弄破，只要填執漏表，發展商理應更換。
同行數人，屈於黑廁，感覺翳焗，詹Sir指着坐廁水箱，隨手拎起紙巾貼於箱面後稱：「呢度真係好潮濕！你睇啲水多到將紙巾黏實。」這是黑廁通風不足的問題，適逢當日天氣潮濕，令廁所濕度急升。詹Sir轉身再試盞燈，發現潮濕造成另一問題，「吊櫃底燈火管燒咗，因為太潮濕，業主要有心理準備，預咗將來成日換光管，亦只可以開抽氣扇作補救。」
總結而言，單位整體沒有大問題，評分85至86分，扣分最多是潔具和燈，但只要更換全新便可解決，佔整體評分也屬低。身旁的郭先生即時追問分數算有幾好？詹Sir補充：「超過90分的樓盤，我只驗過幾次，其中有兩個樓盤，我驗過是99分，分別是九龍塘逸瓏和大角嘴瓏璽，拿99分！」
