唔知佢哋係乜水？唔緊要0架，最緊要係你睇埋落去，或者睇完都唔知佢哋係乜水，唔緊要。記住簡單keywords:台灣，孖女，女星，依依，佩佩，全裸，國王的婚紗。係喇，重點就係，國王的婚紗。一睇下張相，你懂的。
雙胞胎台灣女星依依佩佩（蔡依伶、蔡佩伶），去年一擲千萬新台幣開婚紗鋪，兩姊妹急不及待做埋新娘，下個月仲揀埋喺同一日結婚，更索性自己做埋生招牌，以大尺度挑戰全裸婚紗，話要為出道12年留紀念。但係好老實，好多台灣網民都話唔知佢兩個係邊位，更遑論咩出道12年，簡直聽到未聽過。唔緊要啦，依家咪識囉。
昨日台灣《壹週刊》仲報道，依依、佩佩婚前趕拍全裸婚紗照呢單嘢，唔止熱爆台灣，更紅到去韓國。報道指韓國綜藝節目《我們結婚了》——合作嘅婚紗公司，邀請依依同佩佩、開價6位數請兩人赴韓拍照，連當初為全智賢影婚紗相嘅公司都搵上門，邀請兩人拍韓式婚紗。
唔係喎，依依、佩佩都係靠著呢件只有聰明人先見得到嘅國王的婚紗先至出名，咁如果依家唔著國王的婚紗，著番正常人嗰件，會唔會冇人睇㗎？