【本報訊】羅漢松大賊窺準西貢一間花圃的保安鬆懈，帶備鉸剪等工具將花圃大門口當作「生招牌」的一棵市值約6萬元羅漢松，連根掘起偷走。花圃職員昨早上班時驚見羅漢松不翼而飛，於是報警，事後慨嘆：「唔再種過嘞，費事又俾人偷走！」
疑被偷運到內地
現場為西貢大網仔路立信花園公司，花圃姓孫職員稱，被偷去的一棵羅漢松屬日本品種，約四年前以三萬多元買入，因其形態優美遂種於大門口當作「生招牌」。該棵羅漢松已長至約兩米高，樹幹直徑約七吋，市值約六萬元。孫表示，前日黃昏放工時，仍見大門口的該棵羅漢松原好無缺，豈料昨早8時許上班時，羅漢松已被偷走。他續指，一個多月前花圃山邊另有三棵羅漢松被偷去，損失共約四萬元。
花圃現場未設有閉路電視，賊人得手後留下一把柴刀及一個包裝鉸剪的塑膠外殼，警員接報到場調查。由於連同今次事件，花圃近月失竊的羅漢松均種於花圃外圍，孫無奈表示：「加強保安都冇用，花圃有養狗，但唔會走出去。即使加閉路電視影到有人又點？都唔知邊個，相信都係偷咗運返大陸。」
有兼營羅漢松買賣的愛好者潘先生表示，羅漢松沒有固定市價，「價錢高低唔係淨係計羅漢松嘅高度，最主要係睇長到咩嘅形態，係咪好優美，係咪好有枝爪，枝葉好茂盛。有啲只有半米、兩米嘅羅漢松，價錢甚至可以去到幾十萬元至100萬元不等」。
潘先生不諱言，涉事失竊的該棵羅漢松市值僅約六萬元，「可以話叫做價錢平，相信都只係屬於有少少修剪、少少層次造型嘅普通裝飾樹，未入到貴價嘅古樹盆景類別」。
