佐敦道同彌敦道交界噚晚發生「兇案」，刀手行兇後逃之夭夭。死者係支聯會兩條宣傳六四紀念館同燭光集會嘅橫額，俾刀手𠝹到體無完膚（圖），唔係𠝹花咁簡單，而係成塊布起出嚟，剩番個框。橫額今個月先啱啱掛上去，支記噚晚收到消息即刻報警，警察都算大陣仗，嚟咗兩部警車加六個阿Sir。至於隔籬盧偉國同梁美芬條橫額，就完好無缺。