1，人力搞到陳太憤而做莊，七十幾歲外婆級出山為民請命，2020方案，從未如此hit過。人力搞局，間接幫陳太唔少忙，長者撐長者，慳返宣傳費。
2，泛民鬧交，多了noise，總好過唔聲唔聲，一池死水，俾林鄭搶晒咪。今次，人力出蠱惑，明益自己，但實際上俾了條路泛民行，學者方案和2020，大條道理另起爐灶，不用綑綁埋一齊。溫和派瞓身拉票，進迫西環的巨人。
3，泛民唔識打爛仔交，今次被人力跣一鋪，雖然拗柴，但吸收了經驗，下次，就算未操練成張家輝咁fit，起碼，識閃身，保住鼻樑。
4，逼上梁山，泛民中，邊鬼個還有閒情去跟張曉明唱K！敢問票在何方？為622公投，泛民去得幾盡？就快揭盅。
5，公民提名，本土認證，必然成為年度最紅。港甲球隊公民，卻在此時遺憾地散班，緣盡聯賽。莫非，足總高層，李剛上身？