身兼模特兒與演員，Kelly認為「眼」對兩者同樣重要。「譬如喺做model嘅時候，要呈現唔同嘅pose、感覺，都係靠一個眼神呈現。而做演員嘅時候，眼神係最最最緊要㗎！眼真正可以表達更加真實嘅你，角色嘅精髓，都係靠對眼去表達。」
說罷，Kelly便示範如何用「眼」去演戲。「開心」、「浪漫」和「傷心」等都難不到她，最後兩眼更發放出「皎妃」的光芒。在劇集中飾演皎妃一角被冠「姣妃」稱號，Kelly對此有另一番見解：「姣妃當然唔覺得自己係姣啦，可能外面嘅人會誤解咗佢。其實佢裏面好單純，好想人生入面搵到真愛，人人都有追求幸福嘅權利，我覺得盡量去追求自己想要係無錯嘅。」
繁忙的藝人生活會為雙眼帶來危機，Kelly說日夜顛倒的工作時間、戶外日曬和室內冷氣，容易為眼部皮膚帶來細紋、黑眼圈、眼袋、疲倦和乾燥等問題。對藝人如此重要的「靈魂之窗」，究竟要如何保護呢？「要訓練自己隨時隨地都瞓到覺啦，我真係試過企喺度都瞓着（笑）。靠食嘢內外兼顧囉，內就係食藍梅啦，外就用眼部精華素去幫雙眼按摩，我早晚都會做，呢一個已經係基本習慣喇。」
問到有沒有愛情滋潤，Kelly鬼馬地說：「愛情係好滋潤嘅，定係精華素滋潤啲呢？」