中國「1姐」李娜（圖）周二喺羅馬網賽女單次圈，輕輕鬆鬆以直落兩盤6:1、6:4贏咗澳洲籍對手達拉歌，錄得個人職業生涯第500場勝仗。屬於賽事2號種籽嘅娜姐，係繼威廉絲姊妹同舒拉寶娃等強手後，現役第12位女單球手加入呢個「500勝俱樂部」。依照佢近幾年嘅強勁走勢同贏波次數，現年32歲嘅娜姐要喺掛拍前儲夠600勝，絕對不是夢。