【旅社谷生意】
近年掛名遊學團的旅行團由直資學校，殺入一般官津學校。有校長指出，旅行社積極向學校推廣行程，往往附送隨團教師免費參加作餌，實質變相由家長資助；校長樂於推動學生和家長參加，再利用遊學團相片為學校宣傳，最終肥了旅行社。
有交流團全程講廣東話
過往遊學團主要往英國，在當地寄宿學校逗留兩星期至一個月，讓學生在英語環境生活，團費高昂。直資學校興起，出現十日八日的超短期遊學團，往英語國家為主；近年出現變質遊學團，實是旅行團，目的地由內地轉到日、台、東南亞，再改至英澳美加等地。
一名小學校長表示，近兩年曾在英國遇上香港遊學團，「20人全程講廣東話，同普通旅行團一樣。七日行程可以學到乜？只係走馬看花」。他指有時學校安排學生一團，隨行家長一團，家長去購物，學生去牛津大學、劍橋大學參觀，「同我哋去中大、港大一樣，入去影吓相，邊有學習交流」。
另一校長透露，旅行社近年積極向學校郵寄遊學團傳單，甚至致電校長推介，一手包辦行程，加上帶團教師可免費隨行，因此有校長會支持，「教師免費去，即係家長資助。返嚟後學校將啲學生同外籍人士影嘅相貼出嚟，可炫耀一番」。該校長又指，清貧學生有財力參加天價遊學團，太不合理，不排除是跨境學生，因本港無法審查其家長在內地收入和資產，令富裕跨境學生得以領取公帑參加天價遊學團。
《蘋果》記者