GiGi認為這種心態等同於參加香港小姐選舉，都是想證明自己的存在價值。Tanya一聽見「香港小姐」，即忍不住笑：「我都參加過！（92年）廿幾年前陪朋友吖嘛，呢啲係永恆嘅故仔，不過我結局唔同囉，通常陪朋友嗰個會贏，但我唔贏囉！」蔡潔去年亦參加過中華小姐，當時是否想證明自己？她卻說：「我好現實，我為咗獎金咋喎！」
其實蔡潔在澳洲修讀創意媒體並取得碩士學位，最初立志做導演，誤打誤撞做了演員。肥佬黎認為生得靚「冇着數」，因為有太多選擇，難以專心做一件事。彭導突然自爆兒時夢想是做明星，他說：「跟住考咗幾年演員都考唔到，直到有一年，我當時的女朋友忍唔住同我講：『其實你有冇諗過，喺電影入面好少出現你咁嘅樣？』」後來他得悉有個崗位叫「導演」，聞說可以在現場罵人、發脾氣和跟女星傳緋聞：「我覺得OK喎，呢個崗位我做到喎！」後來他發現越來越多明星轉做導演，令彭導有點不忿氣：「點解佢哋生得靚就覺得自己可以做導演？點解做導演嘅人唔可以覺得自己可以做明星呢？所以我決定同郭子健做主角拍一套戲。」他笑笑口說：「咁就可以遲到早退！」明寸大牌明星唔守時。
星期四晚11:00《亂噏24》足本版, 彭導親述入行經過!
服裝:ANTEPRIMA