蕭正楠、何傲芝與黃翠如的三角關係，連日來成為網上熱話，三方各有支持者，更有人加把口狂插，甚至出動改圖（上圖）暗諷各人。
插蕭正楠
giraheiyear：「呢條友仔見女就追，之後（前）佢都公開話追陳茵微（媺），人哋唔騷佢，佢先去追何傲兒（芝）。對佢無乜好感！」
神一樣的存在：「蕭正楠見人哋老竇破產冇晒錢即飛。即媾黃翠如新紮上位姐仔。」
鍵盤女俠：「蕭生要上位，冧掂翠如，余詠珊會關照多啲，唔使成日執人二攤做男主角。啲監製搵佢哋合演劇集，多啲話題，翠如𠵱家係女一，咁佢咪有機會做男一。紅咗再換畫都唔遲。」
插黃翠如
萬綺雯：「狐妖，現形！」
FCU：「佢去人男仔家過夜，搶人男友……𠵱家新一代基督徒已經唔係咁純！」
Chan Icebing：「在你最光輝嘅時候出現呢件事，給你4個字『自毀前途』」
插何傲芝
我要活上去：「有乜咪直接講，乜嘢邪不能勝正，都唔知講乜？大方啲啦！」
韆鞦：「根本就係何傲芝夜會大隻男，蕭正楠戴晒帽唔通仲同佢過人世咩，支持殊殊雪!!!!!」
嘉嘉豬：「何氏二姊妹貪錢，佢老竇睇唔起蕭正楠，唔想個女同佢一齊，如果蕭正楠衰，何X芝都唔見得好，𠵱家扮受害者。」
資料來源：各大討論區