周二喺青島舉行嘅中國全國游泳錦標賽暨亞運會選拔賽，決出咗女子100米自由泳嘅女飛魚，結果爆冷由名不經傳、來自江蘇嘅沈鐸以54秒15贏出，佢僅以0.03秒力壓上海名將唐奕。至於擅長游混合泳嘅奧運金牌得主葉詩文，喺呢項賽事嘅預賽游出個人最佳時間54秒73，以首名入決賽，可惜喺決賽只能夠游番相同時間，最後得一席「梗頸四」。