學民小之鋒一張雨中同少女擔遮相，唔少人睇完都覺得「so what？」，有網民話係咪仲要討論中學生應否談戀愛咁老土。但有唔少學民fans認為呢張相間接揭露有人跟蹤學民仔，擔心佢哋人身安全。
噚日十幾個學民成員去荃灣官中請願，學民女將周庭亦在場。八方問佢有冇擔心自己都俾人跟蹤？佢話政改越嚟越近，公提越嚟越多支持者，會有不同嘅攻擊出現，例如早排學民電郵都有人hack，學民冇辦法抵擋強勢攻擊，惟有做好本份。八方多口問，相入面嗰個係咪真係之鋒意中人？周庭話呢啲私事佢唔清楚，張相公開後亦冇見過之鋒，唔知佢𠵱家心情點，但希望大家尊重之鋒嘅私人空間喎。