1，愛字頭組織拍烏蠅，因為工種類似，所有打擊泛民的easy job俾人民力量done好晒。
2，幫港出聲，一樣無所事事投閒置散，決定搶閘，頭一個行出中環，用紙皮霸位。
3，陳太的2020方案，西環眼尾唔睇一下，環球時報繼續罵方案是尿錯壺。陳太考慮和湯家驊另起爐灶，暫時諗住會佔西，西九，好風水些。
4，消息炒作指阿爺會揀民建聯方案，商家佬即刻自動捐錢，民建聯把張X明用過的鼻涕紙巾，放上網拍賣，豬籠入水。
5，愛國商舖避開佔中，決定搬竇，政府開放郵輪碼頭，免租三個月，更免費無限提供水桶。
6，林鄭約見人力，感謝他們有商有量，一call馬，就將真普聯拆窗撬牆。
7，公民，不是港甲球隊，除了一般蟻民，還包括在港大和城大「遺糞」的香港仔。唔使蘇錦樑包容，遺糞大幅收窄文化差異，阿爺睇通，香港咁屎，珠海都贏你，點會失控呢又！公民提名，爆冷過關！