姚嘉妮偕同老公林祖輝、童愛玲昨日在長沙灣現身親子活動，提到如何慶祝母親節，姚嘉妮表示：「仔女仲細，未享受到母親節，我有婆婆、媽咪，會四代同堂飲茶，我仲係孫，會幫佢哋慶祝。」姚表示婆婆已經八十幾歲，會珍惜四代同堂，問到老公會否代仔女送禮，她表示：「會，情人節、母親節都有，呢方面細心，早前情人節有三紮花，畀我、媽媽同個女，但佢平日唔浪漫。」